theme-sticky-logo-alt
theme-logo-alt

Da pynman ya ka Mela ki SHG ha Wapung Skur

Ka yung krehkaam u Block Development Officer, Wapung C&RD Block ynne da pynman ko ya ka Self Help Group (SHG) Mela cum Financial Literacy Camp ha Madan Wapung, Wapung Skur, East Jaiñtia Hills District heiwa u A. Baranwal, Deputy Commissioner, East Jaintia Hills District da man u kam u kongsan hei emlang u Dr. T. Shylla, Block Development Officer, Wapung C&RD Block, u Dr. R. Pyrtuh, Block Development Officer, Saipung C&RD Block, u T. Kyndiah, District Child Protection Officer, East Jaiñtia Hills District wa kiwi kiwi. 

U A. Baranwal da ong u wa ki Self Help Group (SHG) toh ki rynsan wa ye wow e kreh ya ki paidbah khnang wow ye ki u dap u kot. 

Da ong u wa ki SHG yarap ki wow man ki bru kiwa yatylli wei e bor ki leh ya ki kynthai wa ki manbei, da kular u leh wow yarap ya ki SHG wow tipmit ka pyrthai ya ki. 

U Dr. T. Shylla, da pyntip u wa hapoh Wapung C&RD Block em hadooh 1710 tylli ki SHG wa kamwa 17,000 ngut ki dkhot wa 102 tylli ki Village Organization (VO) kiwa kreh ha kiwa boon ki bynta kam hei psan mrad, ki kaam rep wa kiwi kiwi. 

Neiliang u Reading War, u bru chemphang na ka District Legal Services Authority (DLSA), da pynche u hajrong ki aiñ kam ka Trade Unions Act 1926, Payment of Wages Act 1936, Industrial Dispute Act 1947, Minimum Wages Act 1948, Maternity Benefit Act 1961, Sexual Harassment of Women at Workplace (Prevention, Prohibition and Redressal) Act 2013 wa ka Child Labour (Protection and Regulation) Act 1986.

Ha kani ka sngi, 8 tylli ki SHG da yoh ki T. 12 lak ka ram na ki Bank kam naka Meghalaya Rural Bank, Wapung Branch.

Ha ka mela da pynyoo rong ya ki tiar wa ki syntu ki jhoor wa pynmih da ki SHG kamjooh na ki chnat sorkar wa em ha ka District. 

Share this:
Previous

Daw pynman yei pynsñiawthooh yow man kam ki CSC Village Level Entrepreneur

Next

Da saam T. 32.5 lak ha ka SHG Mela wa pynman ha Mawkdok