Jowai : U wi na ki wa chong wa sah ha Mookyrdup nei bynta ki paidbah kani ka dong da booh u i ujor ha u DC ka WJH ha ka Facebook Account u DC heiwa em u wi u post light wa da sapsarah wei da dor wei ye u u kheiñ heiwon heiwon i por iwa booh yei ma ya ki paidbah kamjooh ya kiwa em yung ha tre uni u post.
Ya kani ka ujor da booh ha ka 29 tarik u Naikhynde wei pyn ynnin ka 3 tarik da wan chna thymme wei kamjooh leh wow kyrriah ya uni u post cha chilliang wa em u nachwa yow jngai na ki thaw wa sah ki bru.
Hei yaklam wa uwa ujor da ong u wa ym em lai u cha ophis u DC namo u phone u oo, da ujor bait u ha Facebook wa tip u wa yei bor ka Social Media ha ka juk wa katni.
Neiliang kiwa ujor da pynsñiaw ki yei sñiawngooh ki yei smat u DC wow phah kylliang ya uni u post hadien du kattu katni sngi don hi. Da ong leh wa ka District emkaam ko ya kam kini ki sahep wow chakri ya ki paidbah.
Discussion about this post