U Montri Rangbah ka jylla, u Conrad K Sangma ynne ka sngi da khut u ya ka yalang ka Coordination Committee yong ka Meghalaya Democratic Alliance (MDA). U Conrad da pyntip u wa i daw wa pynman ya kani ka yalang toh yow wanrah ya ki MLA wa kiwa yahkhmat ki seiñ wa em hapoh ka sorkar synrop yow yaklam ya kiwa boon ki kaam wa yatoh waka jylla.
Da ong u wa kiwa da ya emlang da pynsñiaw ki yei sñiawkhia heiyatoh wa u pood heiwa da pynche cha ki heiyatoh wa ini wei dadep leh wow pynche ha kiwi de ki yachem lang.
U Conrad da ong u leh wa ym em na kiwa ya krehlang hapoh ka MDA kiwa da kwah wow pait biang deiwi ya ka soskular Memorandum of Understanding (MoU) wa da soi hapyrdi ka Meghalaya wa Assam yow pynbait ya 6 tylli na ki 12 tylli ki thaw wa em i ya kajia pood.
“Ym em wa kwah wow pait biang deiwi ya ka MoU,” da ban joor u Conrad.
