U Montri Rangbah ka jylla, u Conrad K Sangma da ban bait u wa i wanrah ka sorkar ya ka Meghalaya Regulation of Gaming Act, 2021 ymtoh neibynta wow pynman næ booh ya ki thaw yakhle, tangwa wow booh kyndon ya ki kaam yakhle kiwa da em chwa ha jylla kattu la 25 snem.
Da ong u wa ka sorkar ym em thmu ko wow booh ya ki Casino næ ki thaw yakhle ha Shillong næ ha kiwi ki sor yong ka jylla, tangwa hadooh katni ka jylla em ko ya ki yakhle wa boonjait, wei ka sorkar ymjooh yoh dan ko, wei i wanrah ya ka aiñ, ki thaw yakhle leh waroh hap ki wow bood ya ki kyndon wei wow su ya ka dan cha ka sorkar.
Da ong u wa lada ka sorkar lai ko chaphrang wow wanrah ya kani ka aiñ, ym mut wa daw booh thaw yakhle ha nongbah Shillong næ ha ki thaaiñ uiñke, tangwa lada ka sorkar lai ko chaphrang daw man bait ha khappood wa ka Assam wei ki thaw wa ye u pynmih poisa ya ka jylla, khlem wanrah yei eh i khoo ha ka imlang sahlang.
U Conrad da ong u wa ya ka Meghalaya Regulation of Gaming Act, 2021 da wanrah bait da i thmu wow booh kyndon ya ki thaw yakhle wa da em chwa ha ka jylla.
