Phah kyrriah ki pulit ya kiwa chong dai wei e sikai ki ya ki khynnah skur wa kiwa kreh sorkar

Jowai : Kamwa da leh ha kini ki tyaw wa u bnai wa da dep ki pulit ka Jowai Traffic hadooh ynne ka sngi dang pteiñ ki u e sikai ya ki khynnah kamjooh ya kiwa kreh sorkar.

Ynne ka 6 tarik ki pulit da e sikai ki ya ki khynnah ka Police Public School, Police Reserve Jowai heipir 9:00 waje i step iwa da pynbood won ya i lai kjat næ ka foot drill heipor 12:30 i sngi yeiwa da pynbood won sa ha skur Khimusniang Presbyterian Higher Secondary School heiwa da leh du ya ka foot drill donhi heipor 1:00 nohchariñ sngi neibhah da dep wan sikai ya ki khynnah ha ki sngi wa da dep.

Ynne ka sngi da e sikai leh ya kiwa kreh ka Office, PWD (Central Division) heipor 2:00 waje iwa da pynbood won ya kiwa kreh ka Co-operative Apex Bank Main Branch, Jowai heipor 4:00 waje i janmiet yow man ki kiwa leh khooid wa kamjoo u bood ya ka aiñ traffic wei da saam leh ya ki dustbin cha ki.

Ha kani ka sngi ki pulit chirup wa ka Jowai Municipal Board da phah kyrriah ki ya kiwa chong dai ha rood sarok ha Iawmusiang wei da leh yeini ar sien, itæ heipor 10:00 waje i step wa 4:00 waje i janmiet.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ha kani ka tayaw da dep esikai leh ya ki khynnah ka skur Pohmusiang Upper Primary School wa ka Chilliangraij Upper Primary School, Jowai.