U National President ka NPP, uwa man leh u Chief Minister ka jylla, u Conrad K Sangma da jubab u yei pynbaad ka Congress wa ym yoh bor yow chna yaka yung krehkaam ka NPP ha Shillong.
U Conrad da ong u wa kini toh ki pynbaad wa khlem yurim neibhah da yoh bor wei da pynbaing lut waroh i jait katkam wa emkaam wei ini i leh ka Congress toh wow thooh daw iwi hadien iwi deiwa khleh em iyi iyi leh.
Da ong u wa da yoh bor nadooh ka 22-12-20 wei hadien wa yoh yeini da sdang wow chna.
Chooh chooh da ong u wa i chna toh katkam wa da e bor hadien wa dadep wow pynyoo yei rukom pynwandur ya ka yung wei hadien wa paan pynche ka chnat sorkar da dep ki wow jubab wei hadien ini ym em de iwon iwon wa da paan pynche.
Kam wow pynkynmoo ha ka 26 tarik, ka Congress da pynbaad ko wa ka NPP da chna ko ya kani ka yung khlem da yoh bor.
