theme-sticky-logo-alt
theme-logo-alt
Advertisement ad1
Advertisement ad1

Dawa ki soo seiñ wow kylliang noh ya u SP ka Tura heiyatoh wa i kem biri

Advertisement ad1

Soo tylli ki seiñ na ri-loom Garo wa kynthup ya ka ADE, AYWO, FAF wa FKJGP da thoh ki cha u Montri ki kaam pohyung ka Meghalaya, u Lahkmen Rymbui yow kylliang noh ya u SP ka West Garo Hills, u V S Rathore neidaw wa ksoh u ya ki ha ka 26 tarik ha Tura Police Station.

U President ka FKJGP, u Pritam Marak, u President ka ADE, u Dalseng Bira Ch Momin, u President ka AYWO, u Sengbat Marak wa u President ka FAF, u Brinbal Sangma da pynbaad ki wa u SP da phah u ya ki sahep yong oo wow ksoh ya ki hei miet hapoh ka Police Station haka 26 tarik du neidaw wa lai kem biri  ki najan ka yaw Rongram.

Advertisement ad1
Advertisement ad1
Advertisement ad1

Kiwa yahkhmat kini ki seiñbhalang da kam ki wa da lai sylli wei da kem ki ya kini ki biri na kiwa khayi neibhah da dai khlem da em i dor wa toh u em ha ki yusong yow lait ki wow su dan cha ka sorkar.

Da pynbaad ki leh wa ki pulit i rukom leh ki toh deiwa pyn-eh bha ha ini wa jia wei du hadien wa wan ki dkhot kynthai wa kiwi dkhot kini ki seiñ te ym em ksoh ya ki waroh chi miet.

Tangwa neiliang ki pulit ka Tura da ong ki wa kini ki soo tylli ki seiñ toh ki wym em bor wow lai sylli wow kynreh wei wow kem neibhah ini toh i kaam yong ka sorkar.

Chooh chooh ki pulit da ong ki wa kini hadien wa kem ki da thoh ki leh kiyi de wa da kem ki iwa da kem kylla da ki pulit ya kini ki mar neibhah kini ki seiñ ym em bor ki wow leh yeini wow chim ya ka aiñ ha kti kamtæ ki pulit da lai ki chakhmat wow pynngat ya kiwa yahkhmat kini ki seiñ hapoh ki kyndon ka aiñ.

Share this:
Previous

Da yoh bor wow chna yaka yung krehkaam ka NPP: Conrad

Next

Lada yoh yaka ujor wa em ka khayi pyrchah aiñ ya u mooyong daw leh yeiwa emkaam: Conrad