Ka India Metrological Department (IMD) da pyntip ko wa ha kini ki 24 kynta itæ hadooh 8:30 ynne i step ka 17 tarik, ka chnong Mawsynram da yoh ko 1003.6 mm u slap iwa man iwa joor dooh neibynta u Naiynru hadien 56 snem.
Iwa joor dooh u slap ha Mawsynram neibynta u Naiynru chwa ynne toh iwa da jia ha ka 07-06-1966 heiwa da hiar 945.4 mm u slap wei haka 15 tarik uni u bnai won da man iwa ynru wa joor dooh u slap neibynta u Naiynru heiwa da hiar 710.6 mm u slap.
Tangwa iwa joor dooh u slap neibynta u Naiynru dang ksoh hi ka Sohra kawa da yoh 1563.3 mm ha ka 16-06-1995 heiwa ha kini ki 24 kynta hadooh ynne i step ka 17 tarik da hiar 972 mm u slap iwa man leh iwa dapoi hei wa le wa joor dooh u slap neibynta uni u bani wei haka 15 tarik uni hi u bnai da hiar 811.6 mm u slap iwa man iwa phra wa joor dooh u slap neibynta u Naiynru.
I rukom hiar slap ha kiwi ki thaw ha kini ki 24 kynta man ki kamni- Mawkyrwat 538.0 mm, Khliehriat 300.0 mm, Shillong 100.9 mm, Tikrikilla 128.0 mm, Nongstoin 178.0 mm, Williamnagar 250.0 mm, Baghmara 261.2 mm, Tura KVK 89.0 mm, Mawphlang 504.8 mm, Nongpoh 56.0 mm, Barapani 57.6 mm.
