Ka lympung yalehbol kawa da pynlai da ka Khasi Students’ Union (KSU) Wapung Unit kawa tip kam ka 2nd Lurshai Hynniewta Knock Out Football Tournament 2022 kawa pynman wow pynsah naam ya u (L) Lurshai Hynniewta uwa da khlaad ha u snem 2020 ha Ichamati dapoi ko cha wakut ha ka 16 tarik uni u bnai.
Ya kani ka lympung da wan pynhaap pyrda da u Happy E. Rymbai kam u kongsan wa u Streamly Suchen kam u symbood kongsan uwa man leh kam u President ka KSU EJHD Unit deiwa emlang kiwi de ki dkhot kamjooh kiwa kitkaam ka dong yong ka Moopyniein wa kiwi de ki chnong.
ADVERTISEMENT
Ha ka yakhun Final da jop da ka Eastside Inn FT deiwa pynrem ya ka Lad Rymbai Dongwah da 2-1 wei ya kani ka yalehke da pynman ha madan yong ka dong Moopynieñ.
