Ka Sports Social and Cultural Club Ummulong da yoh ko ya ki Jersey thymme neibynta ka TSA Super Division wa ka First Division wa da e sñiawbha da u Nihi Shylla wa ka Dorbar Chnong Ummulong.
Ya kini ki Jersey da pynlait paidbah ha ka yalang wa tbian kawa da pynman ha Ummulong Dorbar Hall ha ka 15 tarik heiwa ka Manosha Kharbina, President ka I Wow Tylli CLF Co-operative Society da man ko kam ka kongsan.
Ha kani ka yalang da emlang leh u President ka Club, u B. Siangshai, u General Secretary, u J.L. Bamon, u Secretary Chnong, u E. Shylla wa u Treasurer Chnong, u AN Muksor deilang wa kiwa ksoh kaam ka Ummulong Sports Club.
Ya ki Jersey wow sap ha ka First Division da e sñiawbha da ka Dorbar Chnong Ummulong katwa ki wow sap ha ka Super Division won da e da u Nihi Shylla.
Discussion about this post