Ka KSU Jowai Unit ha ka 21 tarik uni u bnai deiwa emlang u Ewan Phawa, President wa u Nipoi Shadap, Publicity Secretary da yachem ki ya u Branch Manager yong ka Bandhan Bank Jowai Branch kawa em ha Mookyrdup yow maham ya kani ka Bank neidaw wym jooh kheiñ ya ki sngi kyrpang yong ki Pnar neibhah wa kani ka Bank ym jooh e chuti ko ha ki sngi wa kyrpang yong ka jaitbru lane wot ya ki State Holiday kamjooh.
Kamtæ ka seiñ da maham ko deiwa eh ya kani ka Bank wa lada dang chem yeini i leh kani ka Bank, daw khang tala noh ka chisyndon wei ym chah de ya kam kini ki Bank wow em ki hapoh ka jylla.
Kamjooh ka seiñ da ong ko wa lada em kiwon kiwon ki Company hadooh ki yung krehkaam sorkar wa leh kam ini i jait, daw pynyoo bait da ki kaam.
