Ka Independence Day Cup Under-17 Football Tournament-2022 ka West Jaiñtia District Sports Association (WJDSA), ynne ka sngi da poi ko cha ka sngi wa san deiwa pynman biang soo tylli ki yalehke.
Ha ka yalehke wa nyngkong, ka Panaliar da jop ko ya ka Tpep-Pale da 5-0. Ya ki kool da thap da u Womsar Thma ha ka minit wa 13, u Batsalanmitre Dkhar ha ka minit wa 18, u Nangshwadame Sumer ha ka minit wa 23, u Sauni Sumer ha ka minit wa 32 wa u Risalan Kynjing ha ka minit wa 52.
Ha ka yalehke wa ar, ka Lumpariat da jop ko ya ka Moosalyngkat da 3-1. Ya ka Lumpariat da thap kool da u Phahmonmi Rupai ha ka minit wa 10, 32 wa 56. Katwa ya ka Moosalyngkat da thap da u Dashanmame Tang ha ka minit wa 33.
Ha ka yalehke wa le, ka Sailung Ialong da jop ko ya ka Lumiawmuchai da 6-0. Ya ki kool da thap da u Banshanbor Pale ha ka minit wa 6,12,16, 42 wa 56 wa u Samely Mulieh ha ka minit wa 51.
Ha ka yalehke wa soo hapyrdi ka Lumpyrtuh waka Mookyndur da kut da 0-0.
