Ynne ka sngi da em i jia wa sñiawsih heiwa uwi u khynnah wa lai Class IX da dooh u yei mynsien yong oo hadien wa pdung ka Bluetooth Speaker wa pynemkaam u, heiwa da suba wa da booh wa u bomb ha kani ka Speaker.
Uni u khynnah uwa puræ ha ka skur Bethel Academy, da tip pyrtuid ya oo kam u Jringjang M Sangma wei ini i pdung ka Bluetooth Speaker da jia i heipor kam 3:00 waje ynne i sngi ha Dongru Gittim, Bolsagre ha Baghmara, South Garo Hills District.
Katkam ka yutip wa da yoh da ong wa kani ka Bluetooth Speaker toh ka yong uwi u bru uwa da e ha kawa kreh ha ini i yung uni u khynnah, heiwa u Jringjan dei wym poi pyrkhat da tem u ya ka wei du hadien kattu katni por da pdung noh ko kamwa pdung bomb, hadooh wa khlaad noh uni u khynnah pyn ha yung.
Neiliang ki Pulit ka South Garo Hills mar tip yeini da lai ki cha ini i thaw wow leh yeiwa emkaam.
