Ka Meghalaya Assembly Committee on Empowerment of Women (MACEW) da pyntip ko wa ki pulit da pynkhlan bha ki ya ka mukotduma pyrchah ya u pa wa da tynyap pyn ya ki 2 ngut ki khon ha ka miet yong ka 30 tarik u Naisan uni u snem, ha Nongrah East Khasi Hills.
Ka Chairperson yong ka MACEW, ka Dr. M Ampareen Lyngdoh da ong ko wa ka Committee da booddien wei paitbniah ko ya kani ka kaam, heiwa ynne ka sngi da yoh yutip na ki pulit kiwa da pyntikna wow pynkhlan ya katai ka mukotduma pyrchah ya utai u manpa, wei ym em artatien wei daw ye u pynchitom ya uwa emkti wow tynyap ya kitai ki chi payu.
Heijooh i por ka Chairperson da khana ko wa neiliang ka cnat Social Welfare da pyntip ko cha ka Committee wa da dep wow pynkhreh ya waroh kiwa emkaam yow phah yei yarap poisa cha ka manyung yong kitai ki khynnah kawa man T. 5 lak kawa daw phah noh hapoh 10 sngi.
