theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Kbai ki khynnah skur hajrong i emkaam u pyllang wei wow yanap ya ka um slap

Advertisement ad1

Ki khynnah skur na ki skur waphær waphær wa chimbynta ha ka Rally Cum Awareness Campaign wa pynman daka yung krehkaam u Divisional Soil & Water Conservation, Jowai hajrong ka phang “Catch the Rain where it falls when it falls” da ya chimbynta chongchit ki u kbai hajrong i emkaam u pynneh pynsah yaka um, kamjooh leh u yanap yei um slap.

Lyngba i thoh ha ki Placard da kyntu joor ki ya ka imlang sahlang wow yanap um slap, u sumaar wei yada ya ki nan, ki wah, ki thlu um wa kiwi khnang wa ki pateiñ hadien wym maad ki yei jynjar, najrong wa thoh haroh ki yei kordor ka um haka pyrthai.

Ya kani ka rally da pynman ynne ka sngi deiwa sdang na Ladthadlaboh (Madan Dai Masi) wei pynkut ha pchem kani hi ka yung krehkaam.

U P.K.Boro ADC, West Jaiñtia Hills hawa e yei klam chwa u kaweh yaka lama sdang da  ong u, kani ka Rally emkaam bha ko neibhah em yatoh ko wei eh i khor wa maad i ha kini ki sngi, weiwa tip i leh ha kylleiñ soodong ka pyrthai maad lang ki i jooh lyngba i kylla ka rymaw.

Da yoo leh chiboon kiyi kiyi wada jia toh neidaw i leh yong i hi ki bru, kamtæ toh u sñiawthooh wow yada ya ka rymaw.

Heijooh i por kyntu u yaki khynnah skur wow rah ya kani ka khubor cha ki yung ki sem ki chnong ki thaw hajrong i kordor u pynneh pynsah yaka um.

Manda poi ha pchem ka yung krehkaam neiliang u T. War Divisional Soil & Water Conservation Officer, Territorial hawa batai pynche hajrong i yumut yong kani ka sngi, kamjooh leh kammon u yada nei tooid khyndaw, da khut kyntu kyrsu u ya ki khynnah skur wow sangeh i pynemkam plastic deiwa khana leh wa haka chnat krehkaam yong ki ha Jowai da pynemkaam ki da ka sla wow thri hawa song yei baam.

Ya kini ki sla da thung ki ha pchem kani hi ka chnat krehkaam, wei kyntu u ya ki skur wa em thaw la kwah ki u thung ye ki u yoh tre næ symbe na ki.

Ha kani ka sngi da emlang leh u L. Pohktai Soil & Water Conservation Officer, Plantation, ka E. Shylla, Asst Soil & Water Conservation Jowai Teretorial, u Patrick Lamare Senior Field Demonstrator, kiwa sikai skur wa kiwi kiwi.

Share this:
Previous

Ym artatien wei daw yoh u pynchitom ya u pa wa tynyap khon: MACEW

Next

Ym em pynmih hukum yow pynyap, du i leh Politics u Bernard: Prestone