Ka 2nd Division Football Tournament 2022 kawa tip leh kam ka 5th Debo Shullai Memorial Trophy wa pynman da ka West Jaiñtia Hills District Sports Association (WJDSA), da poi ko cha ka yalehke wa 23 ynne ka sngi.
Ka yalehke toh kawa da pynman hapyrdi ka Mookyndur waka Mynsngad heiwa ka Mookyndur da jop ko da 4-0.
Ya ki kool da thap da u Nehlang Phawa haka minit wa 42, u Jomsing Pariat haka minit wa 52, u Arwanki Phawa ha ka minit wa 61 wa u Gideon Pariat ha ka minit wa 68.
Ka yalehke mynstep u man ko hapyrdi ka Iawmulong Nartiang waka Mookynor Thadmuthlong heipor 3:00 waje i sngi wei daw man ko ka yalehke wa khaddooh chwa u sdang ki Quarter Final nadooh ka 1 tarik u Naisaphra.
