Ka 2nd Division Football Tournament 2022 kawa tip leh kam ka 5th Debo Shullai Memorial Trophy wa pynman da ka West Jaiñtia Hills District Sports Association (WJDSA), da poi ko cha ka yalehke wa 26 ynne ka sngi.
Ka yalehke wa da pynman toh kawa da hap pynman biang hapyrdi le tylli ki liang kiwa da yoh thij i jooh ki Point hadien wa da kheiñ ha waroh ki rukom heiwa ynne ka West Madan Mustem da jop ko ya ka Pynthorlangtein da 3-1.
Ya ki kool ka West Madan da thap da u Rilangki Lyngdoh ha ka minit wa 19, u Sumi Oo Tariang haka minit wa 49 wa u Wisfull Rasmut (OG) haka minit wa 60+1 katwa ya ka Pynthorlangtein da thap da u Wanbiang Bang ha ka minit wa 43.
