July 30, 2022
Ka Independence Day Cup Under-17 Football Tournament-2022 ka West Jaiñtia District Sports Association (WJDSA), ynne ka sngi da poi ko cha ka sngi wa khatwi deiwa pynman biang soo tylli ki yalehke.
Ka yalehke wa nyngkong hapyrdi ka Ladthadlaboh waka Kseh Sylle Ialong da kut ko da 0-0.
Advertisement
Ka yalehke wa ar hapyrdi ka Iawmulong Nartiang waka Evergreen Mukhla da kut ko da 1-1 heiwa ya ka Iawmulong da thap kool da u Shemhok Phalynki haka minit wa 39 katwa ya ka Evergreen da thap da u Ariwotki Dkhar haka minit wa 53.
Ha ka yalehke wa le hapyrdi ka Lumkyrwiang waka Mynthong da kut ko da 0-0.
Ha ka yalehke wa soo, ka Chilliangraij da jop ko ya ka Sohmynting da 1-0 da ka kool wa thap u Willing Kurbah ha ka minit wa 6.
Advertisement
