Ka yalehke yong ka 2nd Sumer League 2022 wa pynlai daka Sumer Socio Cultural Sports & Education Development Society hapoh ka Sumer Elaka East Jaintia Hills District dapoi ko cha ka sngi wa soo deiwa pynman artylli ki yalehke.
Haka yalehke wa nyngkong da pynman hapyrdi ka Kur Paslein L&U FC pyrchah ya ka Kur Lamurong FC heiwa ka Kur Paslein da jop ko da 1-0 lyngba ka Penalty wa thap da u Lamphrang Paslein haka minit wa 17.
Ha ka yalehke wa ar da yaleh hapyrdi ka Kur Chadap Manar FC pyrchah yaka Kur Paslein Combine FC kawa da kut da 0-0.
Ka yalehke wa bood u pynman ha ka 2 tarik hapyrdi ka Kur Chadap Manar FC pyrchah ya ka Kur Chyrmang FC heipor 1:00 waje i sngi wei daw pynbood da ka Paslein L&U FC pyrchah yaka Paslein Combine FC heipor 3:30 noh chariñ ka sngi.
Kam wow pynkynmoo wa da em 7 tylli ki kur kiwa da chimbynta ha kani ka lympung.
