SSA Super Cup 2026: Pynrem ka Nongkseh ya ka Mawlai ha ka Semi Final

Ka Nongkseh da ye ko wow khlanglaad ya ka Mawlai deiwa pynrem ka da 1-0 ha ka Semi Final wa nyngkong ka SSA Super Cup 2026 ha SSA Stadium, Shillong ynne i janmiet.

Ya ka Nongkseh da pynjop da u Banraplang Pyngrope uwa da thap ha ka minit wa 47.

Hadien wa chah thap, ka Mawlai da pynjoor ko wow yaleh u su kylliang tangwa kiwa yalehke ka Nongkseh da ye ki wow khanglaad kut wa pyrchang ko. 

Ka Nongkseh kattu daw yachem ko ya kiwa jop ya ka Semi Final wa ar hapyrdi ka Shillong Lajong wa Meghalaya Police mynstep ka wow sdang heipor 5:00 waje i janmiet. 

Ka Mawlai wa ka Lajong kam kiwa yoh nyngkong wei kiwa yoh wa ar ha ka Shillong Premier League 2026 da yoh ki u psiah bait cha ka Semi Final, katwa ka Nongkseh wa ka MLP da psiah ki deiwa jop ya ka Playoffs.  

Ini da man ko leh i sien wa nyngkong wa rem ka Mawlai ha kani ka samoi 2026 ka SSA heiwa da jop ko ya ka SPL 2026 khlem da rem chisien leh. Chwa wow jop yei naam Champion uni u snem, da pynrem ki leh ya ka Nongkseh da 1-0 hawa yachem ha ka 2 tarik u September. 

Related posts

Jop ka Dawki wa ka Amkoi ha ka 1st Division, khlem em wa jop ha ka 2nd Division ka ASSA

November 6, 2026

Khut ka A1 Football Coaching Academy ya ki khynnah cha ka Winter Football Coaching

November 5, 2026

Ka Nongkseh da psiah Semi ko deiwa pynrem ya ka Sawmer da 4-2.