Ka Independence Day Cup Under-17 Football Tournament-2022 ka West Jaiñtia District Sports Association (WJDSA), ynne ka sngi da poi ko cha ka sngi wa khat-soo deiwa pynman le tylli ki yalehke.
Ha ka yalehke wa nyngkong, ka Sohmynting da jop ko ya ka Nangbah Sports Association da 1-0 da ka kool wa thap u Nidawanchwa Kharlukhi ha ka minit wa 57.
Ha ka yalehke wa bood hapyrdi ka Sabahmuswang waka Dongmihsngi, da kut da 2-2.
Ya ka Dongmihsngi da thap kool da u Chanmi Phawa ha ka minit wa 14 wa u Pyrkhatshaphrang Sumer ha ka minit wa 43. Ya ka Sabahmuswang da thap da u Tipmiki Shylla ha ka minit wa 28 wa u Lakhon Dkhar ha ka minit wa 47.
Ka yalehke hapyrdi ka Royalpole Mihmyntdu waka Evergreen Mukhla leh da kut ko da 2-2.
Ya ka Evergreen Mukhla da thap kool da u Threll Dkhar ha ka minit wa 14 wa u Bantei Lamare ha ka minit wa 42. Ya ka Royalpole Mihmyntdu da thap kool da u Nganpynshongdor Niang ha ka minit wa 25 wa u Dapdor Ymbon ha ka minit wa 29.
Ki yalehke mynstep u man ki hapyrdi ka Caroline Colony waka Luti Tuber Ialong heipor 9:30 i step, ka Dulong u yachem ko waka Sailung Ialong heipor 11:00 waje i step wei daw pynkut da ka Lumpariat waka Mulang Ialong heipor 12:30 pyrdi sngi.
