theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Phah ka HNLC ya ki heh wow yaklam yasuk deiwa chaniah ya ka sorkar

Advertisement ad1

Ka HNLC da pyntip ko wa da e bor wei da chah ko ya u Vice Chairman yong ka, u Manbhalang Jyrwa, u Political Secretary, u Aristerwell Thongni wa u Foreign Secretary, u Phrangkupar Diengdoh wa arngut ki PSO (Personal Security Officers) kitæ u Aiborlem Marbaniang wa u Storgy Lyngdoh u chimbynta ki ha ka yaklam yasuk ki le liang hapyrdi ka sorkar India, sorkar Meghalaya waka HNLC.

U General Secretary kamjooh u Publicity Secretary ka seiñ u Sainkupar Nongtraw da ong u wa nadooh u snem 2004 da em i yaleh yow sdang yei klam yasuk tangwa ym mankaam i hanla ka Congress da em ko hei bor hapoh ka jylla kamjooh ha ka sorkar pyrdi.

Sa chisien won ha u 2014 da yoh yei kynjoh ktien na u Lat ka Meghalaya, u RS Moosahary yow wan chakhmat yow yaklam heiwa ka HNLC da pdiang ko tangwa ka sorkar Congress won ym em pynmankaam ko yeini.

Ha kani ka kynti, ka HNLC da sñiaw skem ko yeini i chimkhia ka sorkar MDA kamjooh i yoh mynjur da ka sorkar NDA wei ha kini ki bnai wa da dep i yaklam da lai i hei luti wa toh deiwa ya krehlang ka sorkar India kamjooh ka sorkar Meghalaya.

U Nontraw da ong u wa i chim rai wow phah ya kiwa yahkhmat ka seiñ yow yaklam yasuk toh wa da em i chaniah hapyrdi ka HNLC wa ki ksiang wa kynthup ya u AK Mishra, Ministry of Home Affairs (Retd IPS), u Peter Dkhar (Retd IAS) wa uwa mihkhmat ya ka seiñ u Sadon Blah uwa na ka seiñ HNYF.

Kamtæ da e khublei ya ka sorkar yei e ko yei luti wa suk yow lai kiwa mihkhmat ya ka seiñ deiwa ngait skem wym jia ya ki iyi iyi leh ha kini ki por wa em ki hei thaw wa da jied da ka sorkar heiwa ym toh u man ki kam kiwa chah kset hapoh yung ha ini i por.

Da ong u leh wa katwa ka yaklam yasuk u lai ko chakhmat, ka seiñ da raikut ko wow pynmankaam yeini yow poi cha ka thong. Tangwa lada i yaklam ym mankaam i, kiwa yahkhmat ka seiñ toh u yoh ki u liwan deiwa suk chei thaw yong ki katkam wa da yakut waka sorkar.

Ka HNLC leh da yooluti ko wow ye u pyndep smat yeini i klam yasuk yow ye u em i chngaaiñ wa i suk hapoh ka jylla.

Share this:
Previous

I-Day Cup U-17: Jop ka Sohmynting

Next

2nd Division: Psiah Semi Final ka Mookyndur waka Khliehiongriang