Ka 2nd Division Football Tournament 2022 kawa tip leh kam ka 5th Debo Shullai Memorial Trophy wa pynman da ka West Jaiñtia Hills District Sports Association (WJDSA), ynne da pyndep ya ka yakhun Semi Final.
Ka Semi Final wa da pynman toh hapyrdi ka Mookyndur waka West Madan Mustem wa da jop da ka Mookyndur da 3-1.
Ya ki kool ka Mookyndur da thap da u Jomsing Pariat ha ka minit wa 18 wa 78 wa u Promi Suting ha ka minit wa 46 katwa ya ka West Madan Mustem da thap da u Ninecyfull Shylla ha ka minit wa 74.
Kamtæ ka yakhun Final u man ko hapyrdi ka Khliehiongriang waka Mookyndur kiwa da ku kyrdan leh cha ka 1st Division katwa ka Lumpyrtuh Mihmyntdu waka Mynsngad da hiar kyrdan ki cha ka 3rd Division.
Ya ka tarik Final daw pynbna won hadien.
