I-Day Cup U-17: Psiah Quarter ka Lumpariat, Dongmihsngi, Saindru wa ka Mulang  

Ka Independence Day Cup Under-17 Football Tournament-2022 ka West Jaiñtia District Sports Association (WJDSA), ynne ka sngi da poi ko cha ka sngi wa 19 deiwa pyndep ya ki soo tylli ki yalehke Pre-Quarter Final wa dang sah.

Ha ka yalehke wa nyngkong, ka Lumpariat da jop ko ya ka Mookynphad Mihmyntdu da 3-2.

Ya ki kool ka Lumpariat da thap da u Damehi Dkhar ha ka minit wa 11 wa 14 wa u Chijuhlangki Dkhar ha ka minit wa 50. Katwa ya ka Mookynphad Mihmyntdu da thap da u Evening Tariang ha ka minit wa 42 wa 51.

Ha ka yalehke wa ar, ka Dongmihsngi da jop ko ya ka Panaliar da 4-1.

Related posts

District Cricket League: Jop ka Young Lad’s ya ka Phramer

May 13, 2025

Deilang ki yakob rwai wei chaad ha ka yakhun Final ka 1st War Jaiñtia Invitational Football Tournament

May 11, 2025

Ya ka Dongmihsngi da thap kool da u Donbok Dhar ha minit wa nyngkong, u Pyrkhatshaphrang Sumer ha ka minit wa 3, u Yowmiki Chadong ha ka minit wa 12 wa u Faithful Bthuh ha ka minit wa 54. Katwa ya ka Panaliar da thap da u Yarsame Dkhar ha ka minit wa 8.

Ha ka yalehke wa le, ka Saindur Mihmyntdu da jop ko ya ka Sabahmuswang da 3-0 lyngba ki kool wa thap u Iohi Ksan Lyngdoh ha ka minit wa 22 (OG), u Lakhon Phawa ha ka minit wa 33 wa u Nangkhroo Lyngdoh ha ka minit wa 48.

Ha ka yalehke wa soo, ka Mulang Ialong da jop ko ya ka Ksehsylle Ialong da 5-1.

Ya ka Mulang Ialong da thap kool da u Risainmitre Phawa ha ka minit wa 30+1, u Charelang Mulieh ha ka minit wa 36, u Chalet Phawa ha ka minit wa 51, u Samullang Pale ha ka minit wa 52 wa u Sojurki Pale ha ka minit wa 57. Katwa ya ka Kseh Sylle Ialong da thap da u Nangtei Mulieh ha ka minit wa 39.