theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Chem ka KYWM yei ktieh ka um na Myntdu wa poi ha ka thaw pynkhooid um ka PHE

Ka Khooid Ya Ka Wah Myntdu (KYWM) ha ka 9 tarik uni u bnai hapoh i yahkhmat u Bichar Shylla, Vice President, ka Hunbeitki Dkhar, Asst. General Secretary wa u D.H. Pde chirup wa ki dkhot ka Executive Committee, da yoh ki u sakhi ya i pynkhooid ka yung krehkaam u SDO PHE (Electrical) Jowai Sub- Division, ya ka Water Treatment Plant ka PHE kawa em ha Oorkhla Khimusniang, Jowai.

Ha kani ka sngi da emlang u P. Synnah, Executive Engineer ka PHE (Electrical) ha katai ka thaw wa pynkhooid ya ka um na Myntdu, Mupiah wa na Mynngot chwa wow saam cha kiwa chkæh um na ka PHE, heiwa da khana wa ya katai ka thaw pynkhooid ya ka um neiliang ka yung krehkaam yong oo da jooh pynkhooid ki kamwa le soo sien ha ka chisnem tangwa neidaw wa ka um na Myntdu da joor ware i boon ka khyndaw da rap smat u dap i khyndaw ha katai ka thaw.

Teiñ teiñ da booh ko ya ka yung krehkaam ha i eh neidaw itai i khyndaw. Hanla kattæ leh da yaleh bha ki u pynbiang um ya ka chnong Jowai. Da khana wa u Garod LSN Dykes, DC WJH da hukum u ya ka yung krehkaam yow pynkhooid ki ya katai ka thaw pynlang um hadooh soo sien ha ka chisnem. Ha kini ki sngi ka KYWM daw yaleh ko u lai pait lai sylli cha waroh ki thaw pynlang um ka PHE kiwa em ha waroh ki chnong ha Jowai.

Ka KYWM, da chem ko wa i khyndaw da syrtap bha i ya ki thaw pynlang um hadooh ki thaw wow pynjngiar ya katai ka thaw, hei pait ka KYWM yoo kamwa ym jooh em u pynkhooid da ki boon bnai. Khamtam wa ka um na kor PHE chem wa jngiar bha ko, tangwa manda chong tre ko jooh jngut soo ko, manda chet won jooh jngut rong tpai ko.

Hanla kamtæ leh, neiliang yong ka KYWM kyrpaad joor ko ya ka yung krehkaam u SDO PHE (Electrical) yow yaleh chooh chooh u pynkhooid bha ya katai ka thaw pynlang um chwa u pynlait paidbah ya ka um cha ki thlu yung, yow lait ka chnong Jowai wa ki chnong wa ya bi wa ka, nei saja um khamtam ha i tlang wa daw wan, i jooh yow lait kiwa pynemkaam ya katai ka um na ka PHE u kulmar u yoh kjut boonjait.

Ka Khooid Ya Ka Wah Myntdu  kyrpaad joor ko ya u CEM JHADC, ya u DC WJHD yow hukum ki ya ki chnat kiwa toh u pynneh pynbha ya ka Myntdu yow kem yow pynchitom deiwa rap eh bha katkam ka aiñ ya kiwa noh wa pynkai khyndaw cha ka Myntdu.

Heijooh i por ka KYM kyrpaad joor ko ya waroh kiwa chong chnong ha Jowai wa ki chnong talawiar ka Myntdu yow ya yieñ ryntih yow yakrehlang chirup chirup khamtam ki tre thaw kiwa em thaw harood ka Myntdu nadooh na chnong Mihmyntdu, Khliehtyrchi, ki chnong ha Jowai hadooh cha tre ka chnong Ialong ki chnong, ka Tuber ter ter, yow dam noh u chah u noh u pynkai khyndaw ki bru, khnang wow lait u dap khyndaw ka Myntdu, wa i kiwa em mynsien kiwa chkæh um na ka Myntdu yow yoh i da kawa khooid, ka la’ær da kawa pynim ya kiwa chong chnong wa ki warep kba talawiar ka Myntdu.

Share this:
Previous

Da sdang ya ka Online Service neibynta ki Card Rachon

Next

I-Day Cup U-17: Psiah Quarter ka Lumpariat, Dongmihsngi, Saindru wa ka Mulang