Ka Super Division Football League Tournament 2022 wa pynman da ka West Jaiñtia District Sports Association (WJDSA) kawa tip leh kam ka U Kiang Nangbah Memorial Trophy dapoi ko cha ka sngi wa ar ynne.
Ka yalehke wa da pynman toh hapyrdi ka Nangbah Mulang waka Sabahmuswang heiwa da jop ka Nangbah Mulang da 2-0.
Ya ki kool da thap da u Wankijune Buam ha ka minit wa 29 wa u Rihok Tyngkan ha ka minit wa 90+2.
Ka yalehke mynstep toh hapyrdi ka 7Wasa waka Ladthadlaboh heipor 3:00 waje i sngi.
