U President ka United Democratic Party (UDP), u Metbah Lyngdoh da ong u wa i psiah thymme ki ar ngut ki waheh, kitæ u President warim ka FKJGP, u Wellbirth Rani wa u dkhot ka NPP na Pynursla, u Monarch Shabong, ym mut i wow man kyrtong ki wow yakhun ya ka Election, tangwa wow pynkhlan ya ka Party.
Ka UDP da pdiang dkhot thymme ko ya kini ki ar ngut ha ka yalang ha Shillong.
Hawa kylli heiyatoh wa ka Mawphlang Constituency, heiwa u Rani da lai bha u wow paan yumut neibynta wow yakhun ya ka Election MLA 2023, u Metbah ym em u jubab che u lada u yakhun bait u Eugeneson Lyngdoh uwa man u MLA wa katni, tangwa da ong u wa ya katni ka Party em ko u MLA ha Mawphlang.
Ha iwi i liang u President ka UDP da ong u wa ka Party da pynkhreh ko chaaid chaaid neibynta ka Election MLA 2023, wei ki dak ki chin leh da paaw wa em i kyrmen ya ka UDP neibhah em chiboon ki heh kiwa da psiah cha ka Party.
