Shillong Premier League 2021-22: Khlem em wa jop hapyrdi ka Nangkiew Irat waka Mawlai

Hei sien wa ar ha kani ka samoi, ka Nangkiew Irat SC da wan ko nadien hadien wa chah thap ar kool yow pynkut ya ka yalehke da 2-2 wei ha kani ka kynti pyrchah ya ka Mawlai SC ha ka Shillong Premier League 2021-22 kawa da pynman ha Third Ground, Polo, Shillong ynne ka sngi.

U Donlad Diengdoh da thap u ya ka Mawlai ha ka minit wa 8 katwa u Manbha Iawphniaw da thap u ya ka kool wa ar ha ka minit wa 37 lyngba ka Penalty. U Shaibor Nongrum ha ka minit wa 63 da thap u ya ka Nangkiew katwa ha ka minit wa 86 lyngba ka kool wa thap bakla pyn da uwa yalehke ka Mawlai, da pynyoh ya ka kool wa ar ka Nangkiew Irat. Ya ini i jooh da leh pyrchah ya ka Ryntih SC ha ka 26 tarik u Naiynñiaw.

Related posts

Ka Khimusniang kam ka Champion thymme ka Super Division ka WJDSA

January 31, 2026

Khut ka MFA ya ki khynnah yow chah jied hapoh ka Academy wa dang sdang thymme ko

January 29, 2026

Kani ka yalehke toh kawa da pyndam ha ka 4 tarik neidaw wa joor u slap.

Ka yalehke u pteiñ ko mynstep hapyrdi ka Mawkhar SC (2 Point) waka Rangdajied United FC (15 Point) heipor 4:00 waje noh chariñ ka sngi.