Ka Malki SC da pynkhyrngiat ko ya ka Ryntih SC deiwa jop da 4-2 ha ka yalehke wa 38 ka Shillong Premier League 2021-22 kawa da pynman ha Third Ground, Polo, Shillong ynne ka sngi.
Ka Malki da thap ko ar kool hapoh 20 minit lyngba u Sanborlang Marwein (1′) wa u Kordor Dkhar (17′) tangwa ka Ryntih da ye ko wow su kylliang ya waroh ar kool chwa u kut ka kylla step lyngba u Sheen Sohktung (42′) wa u Badonkupar Marbaniang (45’+1).
Ka Malki da toor biang ko yow pyntam lyngba u Kyrpadlang Tariang (55′) wei da pyntikna yei jop da ka kool wa ar u Marwein (90’+4).
Ka Ryntih da dep rem ko ha ka Malki da 3-0 ha ka 17 tarik u Naiynru.
Ka yalehke u pteiñ biang ha ka 22 tarik hapyrdi ka Shillong Lajong FC (11 Point) waka Mawlai SC (23). Hawa yachem nyngkong kini ki arliang, ka Mawlai da jop ko da 1-0.
