Ka Super Division Football League Tournament 2022 wa pynman da ka West Jaiñtia District Sports Association (WJDSA) kawa tip leh kam ka U Kiang Nangbah Memorial Trophy dapoi ko cha ka sngi wa khadynru ynne.
Ka yalehke wa da pynman toh hapyrdi ka 7Wasa waka Mynthong heiwa da jop ka 7Wasa da 1-0.
ADVERTISEMENT
Ya ka kool wa pynjop toh kawa da thap bakla da uwa yalehke ka Mynthong ha ka minit wa 43 lyngba u Teibokmi Lyngdoh.
Ka yalehke u pteiñ biang ko ha ka 5 tarik hapyrdi ka Khimusniang waka Sabahmuswang.
