Ka yung bichaar u Albert W. Lanong, Chief Judicial Magistrate ka North Garo Hills District ha ka 2 tarik uni u bnai da rai pynrem ko ya u Sadam K. Sangma uwa na ka chnong Gosingpita, North Garo Hills deiwa phah kset 3 snem deilang waka kuna wa T. 5000 hapoh ka kyndon Section 25 (1A) ka aiñ Arms Act 1949.
Ini toh hajrong iwa jia ha ka 10-08-21 wa hadien wa yoh yutip ki pulit wa em u bru wym tipmit wa rahlang wa ki tiar yasiat ha ka thaaiñ Bajengdoba heiwa da lai thooh ya uni u bru da ki pulit hei yahkhmat u Ravi K. Sangma, MPS, Dy. Superintendent of Poilce deilang wa ki pulit ka SF-10 wei da yoh wow kem ya kawi ka Pistol wa da chna hi deilang wa ki tadong kuli na u Sadam K. Sangma wei da kem noh ya oo.
Ya ka takit da pyndep da u Gautom R. Marak, Sub-Inspector wei hadien wa pyndep ya ka takit da Chargesheet ya u Sadam ha ka 08-12-21 hapoh ka Section 25 (1A) ka aiñ Arms Act heiwa ka yung bichaar da rai pynrem ko ya oo.
