Lai yachem ka KNGCSU ya u DC ka WJH heiyatoh wa ka Canteen ka college

Jowai : Ka Kiang Nangbah Government College Students’ Union ynne ka 17 tarik da yachem ko wa u DC ka West Jaiñtia Hills District hei yatoh wa ka Canteen ka college ka wa em boon ki duna ha ka.

Ha ka dorkhat wa da e cha u DC da ong wa nadooh wa sdang ya kani ka Canteen ym jooh em thaw sait kti heiwa haap rah da u jug cha lait tæ sait kti sait ktien manda dep baam.

Kani ka canteen leh toh kawa ym em paikhana kamtæ da paan leh na u DC ya ka paikhana ya ki kynthai wa chynrang.

Da ong leh wa kani ka Canteen man ko kawa khian wei ye u chong du 15-20 ngut donhi wei boon haap lai ki cha jngai yow yoh baam ki.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ha kani ka dorkhat leh da kyntu ya u DC wow pynchna thymme u ya wire light kiwa boon kiwa da tkut wei kiwa chna tangdep hi-eh yow u che ka light.

I khaddooh wa paan na u DC toh wow chna ya ki pipe um ha College yow biang u poi um cha ki laboratory kamjooh leh ki paikhana.

Hei yatoh wa ini i dawa ka KNGCSU neiliang u DC da kular u wow chimkhia wei wow pynbiang yeiwa emkaam waroh.