Ya ka Shillong Medical College daw chna deiwa kyrchaan ka NITI Aayog hei thaw wa heh 50 Acre

U Montri wa pait ya ka chnat i chait i khiah, u James PK Sangma da khana u wa ka sorkar da pynkhreh ko da kawi ka thaw neibynta wow chna ya ka Shillong Medical College (SMC), deiwa kyntait noh yei thaw wa em ha RP Chest Hospital, Mawbah ya kawa da dep wow booh leh ya u mooyurim.

Da ong u wa ka sorkar da pynkhreh ko da kawi ka thaw kawa heh 50 Acre ha New Shillong Township neibhah wa ka thaw wa ha Mawbah ym man ko kawa biang neibynta i emkaam hadien habood, weiwa khynnia ka luti kamjooh ka thaw leh kawa em hapyrdi sor.

Hawa wanrah yei yukylli hapoh ka Yung Dorbar Chna Aiñ, u MLA ka KHNAM na North Shillong, u Adelbert Nongrum da pynsñiaw u yei sñiawkhia yei pynslem wow chna ya ka Shillong Medical College, hanla ka jylla da poi ko cha 50 snem.

Neiliang u James Sangma da ong u wa ka sorkar dang thooh laad ko wow pynkreh da ka Public Private Partnership (PPP) wa kiwi ki Company deiwa kyrchaan leh na ka DEA NITI Aayog, hadien wa da pyndam noh ya ka soskular wa ka KPC Group.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da khana u wa i pyndam noh ya ka soskular wa ka KPC Group wow chna ya ka Medical College toh hadien wa katai ka Company kwah ko wow pynjrong yei mynjur e wai na ka 30 snem cha ka 99 snem wei da dawa leh wow pynku yei dor.