Ka Super Division Football League Tournament 2022 wa pynman da ka West Jaiñtia District Sports Association (WJDSA) kawa tip leh kam ka U Kiang Nangbah Memorial Trophy dapoi ko cha ka yalehke wa arphaw soo.
Ka yalehke wa da pynman ynne ka sngi toh hapyrdi ka Lumiawmuchai Shangung waka Sohmynting heiwa ka Lumiawmuchai da jop ko da 5-0.
ADVERTISEMENT
Ya kini ki kool da thap da u Bantei Iakai ha ka minit wa nyngkong, u Sanki Wa Oo Law ha ka minit wa 35, u Defender Sutnga ha ka minit wa 41 wa 46 wa u Tympang Tangliang ha ka minit wa 90+3.
Ka yalehke mynstep u man ko hapyrdi ka Mynthong waka Khimusniang heipor 2:45 i sngi.
