Ka Super Division Football League Tournament 2022 wa pynman da ka West Jaiñtia District Sports Association (WJDSA) kawa tip leh kam ka U Kiang Nangbah Memorial Trophy dapoi ko cha ka yalehke wa arphaw san.
Ha ka yalehke wa da pynman ynne ka sngi, ka Mynthong da yachem ko waka Khimusniang heiwa ka Mynthong da jop ko da 4-0.
Ya ki kool da thap da u Romaric. B. Nguefang ha ka minit wa 18 wa 84, u Jerry Shylla ha ka minit wa 31 wa u Sani Phawa ha ka minit wa 64.
Ka yalehke mynstep toh hapyrdi ka Sabahmuswang waka 7 Wasa heipor 2:45 i sngi.
Ha ka 40 Above Veteran Tournament 2022, ynne da pynman hapyrdi ka Friends United waka Phramer heiwa da jop ka Friends United da 11-0.
