theme-sticky-logo-alt
theme-logo-alt

Dawa ka HITO wow pynyoh sarok psiang hapoh ka chnong Laskein kamwa yoh kiwi

Advertisement ad1

Ka Hynniewtrep Integrated Territorial Organization (HITO) Laskein Area ynne ka sngi hapoh i yahkhmat u President, u Nimainki Lyngdoh wa u General Secretary, u Richandmi Syngkon da lai ki wow yachem wa u Executive Engineer ka PWD Shangpung Division hajrong i dawa wow pynchna noh ya ki sarok chnong hapoh ka chnong Laskein wa ki chnong ba marjan.

Ha ini i yachem neiliang u Engineer da kular u wow yarap pynchna katwa joh i bor yong oo kam u Engineer uwa pait ya katai ka thaaiñ wei da ong u leh wa em chiboon ki sarok kiwa haap hapoh ka Division yong oo kiwa da toh u pynchna tangwa neidaw wa duna poisa ka sorkar ym ye wow leh katkam i kwah wow leh wei katkam wa angnood ki paidbah tangwa daw pyrchang wow leh katkam i bor wa ye yow lait i thut i lai i wan ki paidbah ka thaaiñ.

Advertisement ad1

Ka seiñ da ong ko wa ha waroh ki snem wa da lai ym jooh em e ka sorkar da ki sarok psiang hapoh ki dong ka chnong Laskein katwa kiwi ki chnong kam ka Raliang, Shangpung, Mowkaiaw, Mookhap, Mootyrchiah ki yoh ki da u sarok psiang.

Chooh chooh da ong leh wa ka chnong toh kawa man pyrdi kawa em ya ka CHC, ki yung krehkaam ka Block kamtæ ka sorkar toh u pait ko ya ini waroh wow pynyoh tang ka sarok psiang.

Share this:
Previous

Super Division: Jop ka Mynthong ya ka Khimusniang

Next

Da ka Solid Waste Processing & Disposal Plant u chna neibynta i jhep ka Jowai wa Khliehriat ha Khliehriat