Ynne ka sngi hadien wa kut ka Dorbar ka sorkar jylla, u Montri Rangbah ka jylla u Conrad Sangma heipor wa liwan u da hiar u na kari wow yachem u ya ki pulit kiwa sonteri ya ka yung dorbar.
Neiliang u Conrad da yaroh u ya ki heiwa da ong u wa hanla chit næ slap, ki pulit chynrang wa kynthai ka Meghalaya Police pyndep ki yei kaamram yong ki.
Heiyatoh wa ini neiliang u Director General of Police ka jylla, u Dr. LR Bishnoi leh da e khublei u ya u Montri Rangbah yei pynlait por u wow yaklam wa ki pulit ha ini i thaw.
Da ong u wa ini i leh yong u Conrad da pynchlur i ya ki pulit wow e chooh ya i chakri ya ki paidbah ka jylla.
