U Prime Minister ka ri, u Narendra Modi ynne da pynlait u ya 8 tylli ki Cheetah kiwa da wanrah na Namibia, Africa yow pynkhai im biang ya kini ki jait khla kiwa da wiar jait hapoh ka ri.
Na kini ki 8 tylli ki Cheetah, 5 tylli toh ki kynthai wa 3 tylli ki chynrang kiwa da heh da san cha khloo ym toh kiwa da ri da ki bru wei da pynlait ya ki hapoh ka Kuno National Park wei ini da man ko ka sien nyngkong wow wanrah ya ki jait khla wa heh na kawi ka dawbah cha kawi.
U Modi da pynlait u ya kini ki Cheetah ha ki ar tylli ki thaw ka Kuno National Park kawa em ha Madhya Pradesh.
I wanrah ya kini ki Cheetah da man ko leh kam chibynta wow pynman biang kam nachwa i long i man ka rymaw. Ki Cheetah toh kiwa da wiar jait na India nadooh u snem 1952.
Kini ki Cheetah daw yarap ki wow pynim biang ya ki khloo, ki phlang ki rnem hadien wym em de kiwa baam ya kiwi ki mrad kiwa baam phlang.
Ha kani ka sngi da emlang leh u Governor ka Madhya Pradesh, u Mangubhai Patel, u Chief Minister ka Madhya Pradesh, u Shivraj Singh Chouhan; ki Union Minister kam u Narendra Singh Tomar, u Bhupender Yadav, u Jyotiraditya M Scindia wa u Ashwini Chobey.
Puræ leh: Daw wanrah Cheetah ka India na Africa yow pynmih jait biang ki hapoh ka ri
