Ka Shillong Lajong FC da pynkut ko yei lai luti ha kani ka samoi ka Shillong Premier League 2021-22 deiwa jop da 4-0 ya ka Malki SC ynne ha Third Ground, Polo, Shillong.
Ya ki kool ka Lajong da thap da u Gladdy Kharbuli (33’, 74’), u Samuel Vanlalpeka (40’) wa u Wadajied Ryngkhlem (69’) ha ka yalehke wa 53 kani ka samoi.
Chwa ynne, ka Malki da yoh ko 10 Point katwa ka Shillong Lajong 14. Ka Malki toh kawa da chah pynhiar kyrdan chwa lada jop næ rem ynne ka sngi tangwa ka Lajong deiwa jop ynne da ku ko chei wa soo. Ka Lajong da dep ko wow jop ya ka Malki ha ka 23 tarik u Naiynñiaw.
Deiwa yoh kattu 17 Point, ka Lajong da em ko katjooh Point waka Ryntih SC tangwa da tam ko deiwa jop ya ka kamjooh ka Goal Difference. Ka SLFC dang ye ko wow dooh yei wa soo mynstep lada ka Nangkiew Irat SC (16 Point) jop ko ya ka Mawkhar SC (6 Point). Hawa yachem khaddooh kini, ka Nangkiew Irat da jop ko da 3-1 ha ka 19 tarik u Naiynñiaw.