Ynne ka sngi ka yung kasari ka Special Judge POCSO Court, Khliehriat da rai pynrem ko ya u Binod Tamang heiyatoh wa ka mukotduma P.S. Case No. 109(6) 2018, katkam ka kyndon 363 IPC r/w Sec 5(m)/6 ks POCSO Act.
Kani ka yung kasari da rai ko wow kset deiwa khor (Rigorous Imprisonment) ya u Binod hadooh 10 snem chirup wa ka kuna kawa T. 10,000.
Kam wow kdaw heini, ha ka 6 tarik u Naiynru 2018, u Binod Tamang da rahbor wei da slaitbor u ya kawi ka khynnah wa dang 6 snem i rta.
Ya kani ka mukotduma da takit da ka sahep pulit O. Tyngkan kawa man ka OC ka Khliehriat Women Police Station.
