Jowai: Kiwa rep kba ha uni u snem waroh da yoh daw ki u man kiwa kmen neidaw wa ha uni u snem u slap wa ka sngi deilang man ki kat wow biang yow ih u kba heipor wa biang wei ka la-er leh ym em yoh ko u sympat ya u kba kam ha ki snem wa dep.
Ha uni u snem leh ym em u poi ki khniang baam kba kam ha ki snem wa dep. Hei yoh u yaklam wa u wi na ki tre hali uwa na Jowai da ong u ynnin u snem da yoh u 31 churia wei ha uni u snem ong u wa yooluti u wow yoh hadooh 47 churia.
Da ong u leh wa ha uni u snem nadooh ka 1 tarik u Naichiphaw da em kiwa ah kba wei ha chwa u kut u bnai boon da dep ki u ah lut.
Ha uni u snem hadooh u kba Hybrid leh miat bha u wei ya oo ye u man u ah khaddooh ya oo neibhah em uwa ym pu ih.
Da ong chooh chooh u wa uni u snem man u wa da kyrkhu sakhiat ya kiwa rep heiwa ki pynthor da stem ki kam i ksiar wei hadooh ki hali wa em cha khap cha chmiang da man ki kiwa da ih bha.
Discussion about this post