Ka 1st International Universal Expo namo ka yaaw yadai yathied kawa da pynman ha madan Tympang Iawmusiang, Jowai kawa da sdang haka 21 tarik uni u bnai, hynne ka sngi neiliang u B. Khonglah uwa da yakrehlang yow wanrah ya kani ka yaaw ha Jowai da pyntip u wa kamwa man kattæ ki tiar dapoi lut ki ha waroh ki dukan namo ki Stall wei ki paidbah leh da ya chlong bha ki u li pait li thied ya ki jait tiar waphær waphær katkam i kwah i yoosuk yong ki.
Ki tiar wa ki paidbah ye ki u yoh toh nadooh ki chuki, ki palong, ki that ki sula, ki kchu ki siang, ki baam, ki jait tiar booh pynmiat dur ha yung, najrong ki tiar lehke ki khynnah hadooh ki tiar khem doh, ki tiar leh Exercise wa kiwi kiwi.
Da ong u leh wa heipor wa wai yaka dang duna bha ki tiar, tangwa kattæ won dapoi lut ki wa kynthup ya kiwa naka ri Turkey.
Ha kani ka yaaw da em leh ka thaw lehke nei bynta ki khynnah, iwa da pynchongchit pynkayit bha ya ki.
Kam u pynkynmoo wa kani ka yaw u kut ko hadooh ka 6 tarik u Naichiphaw.
