Ki khynnah chynrang wa kynthai wa yalehke Judo na West Jaiñtia Hills hapoh i yahkhmat ka Dapha Tang wa u Wankishwa Mawlong da lai chimbynta ki ha ka lympung Judo wa tip kam ka Judo State Championship heiwa da yoh hadooh 10 tylli ki takma.
Kani ka lympung toh kawa da man ha ka 23 wa 24 tarik uni u bnai ha SAI STC Shillong.
Ki takma wa da yoh ki khynnah kynthup ki ya u Nangiaid Pyrtuh uwa da yoh ya ka takma Ksiar ha ka kyrdan 66 kg.
Ya ki 8 tylli ki takma Rupa da yoh da u Pherki Dhar ha ka kyrdan 45 Kg, u Cheerful Susngi ha ka 50 Kg, u Player Dhar ha ka 55 Kg, u Dao Shylla ha ka 73 Kg katwa kiwi won da yoh da ki kynthai wa kynthup ya ka Diamond Susngi ha ka 44 Kg, ka Albricia Shadong ha ka 48 Kg, ka Kheinkor Padit ha ka 52 Kg waka Soktina Pohti ha ka 63 Kg.
Da yoh ki leh ya ka wi ka Tama da u Kevinstar Dkhar ha ka kyrdan 60 Kg.
Neiliang kiwa mihkhmat ka West Jaiñtia da e khublei ki ya u District Sports Officer ka District wa ki dkhot ka West Jaiñtia Districts Sport Association kiwa da kyrchaan wei e mynsien ya kini ki khynnah.
