Wai u Conrad ya 50 tylli ki skur LP wa UP kiwa da pynku kyrdan

U Montri Rangbah ka jylla, u Conrad K Sangma ynne da sdang u ya ka Meghalaya School Upgradation Programme deiwa wai (Virtually Launched) u ya ki 50 tylli ki skur Lower Primary wa Upper Primary kiwa da pynku kyrdan ya ki hapoh ka Phase-I yong kani ka Upgradation Programme wei ha kani ka sngi da emlang u Montri ka chnat Puræ Puthi, u Lakhmen Rymbui, u Montri ka chnat C&RD, u Hamlet Dohling, u Chief Secretary, u D P Wahlang wa kiwi kiwi. 

Hawa e yei klam u Conrad da sñiawkmen u wow yoo ya i em kini ki skur kiwa da pynku kyrdan heiwa hadooh 50 tylli ki skur wa da ye wow pynku kyrdan wei ini daw yarap i chiboon ya ki khynnah ha i puræ puthi.

Da ong u wa em chiboon ki skur kiwa emkaam wow pynku kyrdan wei ya ini da leh kajiak chisien wei u bood won sa ki skur Secondary wa Higher Secondary. Da pyntip u leh wa da em kamwa 100 tylli ki skur wa da chna pynmiat wei u wai ya ki ha u Khonchonglad (Nov) wa u Duyatra (Jan). Da ong u leh wa heiyatoh wa ini da lai bha ka jylla chaphrang heiwa da em ki dhab wow pait ya ki kreh wei ka dhab kynthup ko ya ki Deputy Commissioner, PWD wa kiwi ki chnat kiwa pait ya ki kreh khnang wow pyntikna wa ki 200 tylli ki skur daw ye u pyndep yei kreh hapoh i por wa da booh.

Heijooh i por da ong u wa kamwa dep wow chna pynmiat ya kini ki skur, i kyrdan ka jylla ha i puræ puthi leh daw ku i. Da kdaw u leh ya ka NIPUN Bharat Mission (National Initiative for Proficiency in Reading with Understanding and Numeracy) wa da sdang ka ka chnat puræ puthi ka ri hapoh ka National Education Policy 2022, da sdang ya ka da u Montri Rangbah, heiwa da ong u wa kani ka NIPUN Bharat Mission daw pynku ko ya i stat i tip hapoh ka ri. 

Related posts

Pdiang ka sorkar yei pynche u Sniawbhalang, ki wym hun ye ki wow lai tih chooh: Prestone

May 21, 2025

Hadien chi sngi wa wai chah khang ka khyrdop ka KHADC

May 20, 2025

Ka NIPUN Bharat u pyntikna ko wa waroh ki khynnah ha India u tip ki u kheiñ yukheiñ kamjooh leh u thoh u taar manda pyndep ki ya ka Class 3. Ka thong kynthup ko leh ya i chait i khiah ki khynnah, i stat wow yaklam wei wow ye ki wow im ha ka soodong sookun yong ki hanla phær ki thaw. 

Ha kani ka sngi u Montri Rangbah da yahkhmat u leh wow chim ya ki kyntien kular heiyatoh wa ka NIPUN Bharat Mission.