U Banteidor Lyngdoh, u Montri ka chnat Agriculture ynne ka sngi da booh u ya u mooyurim yow pynku kyrdan ya ka Jongksha PHC cha ka Community Health Centre (CHC) ha phcem ka Jongksha PHC deiwa emlang u Martle Mukhim, MDC Mawkynrew Constituency, u G. Dkhar, Block Development Officer Mawkynrew C&RD Block, u Dr. H. Lyndem, Director of Health Services (MI) wa kiwi kiwi de.
U Banteidor Lyngdoh hawa e yei klam da ong u wa dei pynku kyrdan ya kani ka PHC, ki paidbah ka Jongksha wa ki chnong wa em chajan daw yoh ki yei sumaar wa biang chooh chooh.
U Montri da khut u leh ya waroh ki wakreh wa ki paidbah wow krehlang waka sorkar jylla yow yarap u pynbha pynmiat ya ki kaam wa yatoh wa i chait i khiah.
