U Air Marshal SP Dharkar, AVSM ynnin ka sngi da chimkti noh u kam u khlieh namo u Air Officer Commanding-in-Chief (CiC) yong ka Headquarters Eastern Air Command, Indian Air Force.
U Air Marshal SP Dharkar toh uwa yah ya ki lieñsuiñ (Fighter Pilot) uwa da yah palat 3,600 kynta wei da pyndep u yei puræ na Rashtriya Indian Military College Dehradun, National Defence Academy Pune, Defence Services Staff College, Wellington wa na Air War College, USA.
Da man u kam u sahep ha ka Indian Airforce nadooh u Naiynru 1985, wei da man u leh kam u Qualified Flying Instructor, Fighter Strike Leader & Instrument Rating Instructor & Examiner wei kamjooh leh kam u Air Force Examiner.
Chooh chooh da jooh man u leh kam uwa sikai ya ki sahep ha Defence Services Staff College wa ha College of Air Warfare, Secunderabad. Da chakri u leh kam u Assistant Chief of Air Staff (Training) ha Air Headquarters wa kam u Air Defence Commander ha Headquarters Eastern Air Command wa kiwi ki kyrdan kreh.
U Air Marshal S Dharkar u chimkti u ya i kaam kam u CiC ka Eastern Air Command na u Air Marshal DK Patnaik AVSM, VM uwa da chong-ngiah ha ka 30 Naikhynde 22 hadien 38 snem wa chakri ya ka Indian Air Force.
