theme-sticky-logo-alt
theme-logo-alt

Women’s U-19 T20 Trophy: Rem ka Meghalaya ha ka Vidarbha

Ka Meghalaya da rem ko ha ka yalehke wa ar yong ki ha ka Women’s U-19 T20 Trophy da 75 Run ha ka Vidarbha ha ka yalehke wa da pynman ynne ha Hyderabad.

Waroh arliang da jop ki ha ki yalehke wa nyngkong yong ki ha ka Group B ynnin ka sngi heiwa ka Meghalaya da jop ko da 7 Wicket ya ka Goa katwa ka Vidarbha da jop ko da 9 Wicket ya ka Sikkim.

Ynne ka Meghalaya da jop ko ya ka kylla-khlem wei da jied ko wow kawang bol nyngkong tangwa ka Vidarbha da ye ko wow kamai 6 Run chi Over deiwa yoh 129/3.

Na kiwa kwang bol da yoh Wicket ka Ankita Sharma (1/22) waka Neelam Roy (1/32) katwa ka wi da haap dei Run Out wa leh da ka Suriti Kumari Ray.

Hawa kdong yei thong, ka Monica Lyngdoh Phawa (12) waka Ray (10) toh du ki kiwa ye u poi cha ka 10 Run heiwa da kut ka yalehke deiwa yoh ka Meghalaya 54/9 na ki 20 Over.

Ka Meghalaya kattu daw yachem ko waka Sikkim ha ka 4 tarik.

Share this:
Previous

Pynkup burom ki bor District ya 3 ngut kiwa da dap 100 snem i rta ha West Jaiñtia Hills

Next

Chimkti u Air Marshal SP Dharkar kam u CiC ka Eastern Air Command