Ka Meghalaya da jop ko ya ka yalahke wa le ha ka Women U-19 T20 Trophy da 50 Run pyrchah waka Sikkim ha Hyderabad ynne ka sngi deiwa lehbha ka Awesa G Momin kawa yoh soo Wicket.
Ka Meghalaya da jop ko ya ka kylla-khlem wei da jied ko wow Bat nyngkong heiwa da kamai ki 87/9 na ki 20 Over heiwa da ye ki wow pynhaap lut ya ki Wicket ka Sikkim kawa ye u kami 37 Run na 18.1 Over ha ka yalehke ka Group B.
Ka Momin da yoh ko 4/1 na 2.1 Over heiwa na kini, ki le ngut toh kiwa Bat cha tdong wa kynthup leh ya ka Captain ka Sikkim ka Diksha kawa kamai boon dooh da 11 Run.
Kiwi de kiwa yoh Wicket ya ka Meghalaya toh ka Neelam Roy (2/3), ka Sara Daffica Kharbani (1/5), ka Sistilin Ryntathiang (1/9) waka Ankita Sharma (1/11).
Hawa Bat, kawa boon dooh wa kamai ya ka Meghalaya toh ka Sharma kawa da yoh 32 na 37 bol wei da kamai lang ko 40 Run waka Kharbani (9 Run) yow pynlait-im ya ka Meghalaya kawa heiwi i por da yoh ko 44/6 yow poi 84/7.
Ka Meghalaya kattu daw yachem ko waka Karnataka ha ka 6 tarik.
