Hadien wa mih ki khubor hajrong i chah pyndik ki paidbah ka thaaiñ khappood ha ki chipai BSF khamtam ha Muktapur, ynne ka sngi hawa yaklam wa u Montri ki kaam pohyung ka jylla uwa man leh u MLA ka Amlarem, u Lahkmen Rymbui da ng u wa ha ka tayaw wa dadep da em ka yalang hapyrdi yong oo wa ki Secretary ka Home Department wa u DIG (Intelligence) yong ki BSF, u DIG Special Branch ki pulit ha kamra yong oo.
Ha kani ka yalang da pyntip ya oo wa wa em ka yutip (Intelligence Input) wa emkaam bha kawa ymye wow khana paidbah wei da leh ki yeiwa leh ki.
Wei da pynche u ha kini ki heh ka BSF wa ki paidbah ym em pyrchah ki ya ki BSF tangwa pyrchah ki ya i chah pyndik ki nadooh i kynreh ya ki kari wa lai wa wan kam ki kari wa kit khynnah skur, kiwa wan thooh dawai tangwa neiliang yong oo da ong u ya ki BSF wa ki toh u ap ki yei sñiaw ki paidbah wow leh deiwa pykhat ya ki paidbah.
Da ong u leh wa i kynreh kari ki BSF ymtoh u man won i kam wow pyndik ya ki paidbah neibhah ye u em 1% kiwa sih tangwa waroh ki 99% ymtoh u chitom ki du na iwa leh kini ki 1%.
