U Montri wa pait ya ki Kaam Pohyung ka jylla, u Lahkmen Rymbui da ong u wa ka chnat da paan bui pynche ko na ki bor District hajrong i pynemkaam palat ki pulit ya i bor deiwa pakhot bom pynjhia khmat cha kiwa sikai Contract ha i yakhih ynnin ka sngi.
Da ong u wa ki bor District da pynkrehkaam ki ya ka Section 144 CrPC ynnin ka sngi ha ki kattu katni ki bynta wa jan wa ka Secretariat wei kiwa sikai ym em yohbor ki wow lai paidbah, tangwa da mih i tyngkheiñ ya ki kyndon wei iyi iwa da jia hadien dang hap yang ya ka bui.
U Lahkmen uwa man leh u Montri ka chnat Puræ Puthi da ong u wa hadien wa yoh ya ka bui wei chem kiyi wa emkti wow lai palat ya ka aiñ, ka sorkar ym yada ko yeiyi yeiyi tangwa daw leh bait ko katkam ki kyndoon ka aiñ.
Heiyatoh won wa i leh embor ki pulit wot hapyrdi wa em ki manbei wa ki khynnah, u Lahkmen da ong u wa ki bru wa pait ya ka aiñ toh u syndong ki wow lait u wanrah ya i eh ya kiwon kiwon. Hajrong ini ka chnat ki kaam pohyung dang yang ko ya ka bui wow tip kammon wow leh ya kiwa da leh palat.
